‍

 كيف نسوي  روتين متوازن للعناية بالبشرة 

‍

كيفك يارهيبة ! 👋 جاهزة عشان نخلي سنة 2025 سنة تألقك؟ ✨ فكرة انك تبدئي روتين منتظم  للعناية ببشرتك تبان انها تخوف  ، لكن خليكي واثقة فينا ، ترا الموضوع مرا سهل. خلينا  نقسمها  لخطوات سهلة عشان نخلي بشرتك نضرة ومافيها اي عيوب ومشاكل  طول السنة ! جاهزة؟ يلا خلينا نبدأ! 💧

‍

الخطوة الأولى: اعرفي نوع بشرتك 🌞🌜

‍

قبل ما نبدأ في استخدام المنتجات ، لازم نعرف ايش تحتاج بشرتنا بالضبط. هل بشرتك دهنية، جافة، ولا بين الأثنين؟ ما تعرفي؟ هاذي طريقة سهلة وسريعة:

‍

• البشرة الدهنية: إذا كنتي تحسي  أن وجهك يلمع في نص اليوم من كثر الدهون اللي عليه ، فتأكدي ان بشرتك دهنية!
• البشرة الجافة: إذا لاحظت أن بشرتك تتقشر أو تحسيها مشدودة بعد ما تغسليها ،فتأكدي إن بشرتك جافة.
• البشرة المختلطة: تكون شوية من الدهنية وشوية جافة؟ يعني ممكن تكون خدودك جافة ولكن منطقة T دهنية. (الجبهة، الأنف، الذقن).

انك تعرفي  نوع بشرتك هذا الموضوع يساعدك انك تختاري المنتجات المناسبة لا ترمي أي  شيء على وجهك وتتمني أن بشرتك تسير رهيبة ! 😅

‍

الخطوة الثانية : ابدئي  ببساطة : منظف، مرطب، واقي شمس 🧴🌞

‍

انسي جميع الروتينات اللي من 10 خطوات اللي تشوفيها على الإنترنت. إذا كنتي مبتدئة، كل اللي تحتاجيه ثلاثة أشياء أساسية:

‍

1/منظف : هذا هو أفضل شيء لك في الصباح وقبل النوم.، لأنه يساعدك تتخلصي  من كل الأوساخ والزيوت والمكياج اللي تتجمع على بشرتك . جرّبي جل منظف يومي للوجه بالمنثول من مجموعة "وداعًا لحب الشباب" لبداية لطيفة ونظيفة ليومك!

‍

2/مرطب: كل أنواع البشرة تحتاج مرطب، حتى لو كانت بشرتك دهنية! لأن المرطب الممتاز يساعدك تحافظي  على توازن بشرتك وترطيبها. لأن مافي أحد يبغى بشرته تكون جافة ومتقشرة ،ولا انتي ايش رايك ؟ جربي كريم لبشرة الوجه المعرضة لحب الشباب بالبروبوليس للحصول على إشراقة رائعة.

‍

3/ واقي الشمس:  لا تتجاهله! واقي الشمس يحمي بشرتك من أضرار الشمس، ويمنع ظهور البقع الداكنة، ويضمن لك ان شكلك يكون منتعش. حتى لو كان أكثروقتك في البيت أو المدرسة والدوام  ، لأن الشمس تدخل من الشباك، عشان كذا لا تخلي هذه الخطوة!

‍

الخطوة الثالثة : ندخل على روتين بشرتنا بعض الاضافات اللي تخلينا ننتقل لمستوى ثاني من الإشراقة واللمعان  💥

تخيلي بس تنتظمي في الأساسيات، تقدري تدخلي بعض الإضافات الممتعة عشان تحافظي على بشرتك في أفضل حال!

‍

1. ماسك للوجه : دلعي نفسك بماسك  مرة أو مرتين في الأسبوع. ماسك"الماتشا " من مجموعة "حب الشباب" عبارة عن تغيير جذري لأنه يعطي  تنظيف عميق. ممتاز مره لأنه يتخلص من أي تراكم ويعطي بشرتك شوية من العناية اللطيفة .

‍

2. كريم العين : تحت عيونك باين انه منفوخ شوية؟ لا تتوتري، لأن الحل عندنا مع كريم رهيب لمنطقة تحت العينين لأنه  سهل وسريع، جل تحت العين. 

‍

‍

الخطوة 4: لازم تستمري (وتصبري ) ⏳💆‍♀️

‍

شوفي بصراحة البشرة الرهيبة اللي تحلمي فيها ما تسير فجأة . لازم تستمري وتعطيها وقت. خلي العناية بالبشرة جزء من روتينك اليومي، يعني كذا زي تنظيف أسنانك. شغلي القائمة حقت الموسيقى اللي تحبيها  أو البودكاست وعيشي لحظة استرخاء لنفسك. ✨

‍

ولا تنسي أن بشرتك تحتاج وقت عشان تتعود على المنتجات الجديدة. عشان كذا لا تتوتري  إذا ما شفتي نتائج بنفس الوقت. استمري ولا توقفي، ولما يبدأ عام 2025 ، بتكون بشرتك متألقة!

‍

الخطوة 5: الترطيب، النوم، والاسترخاء 😴💧

‍

وأخيرًا وليس آخرًا، العناية بالبشرة مو بس الأشياء اللي نحطها على بشرتنا. يعني نشرب كمية كافية من الماء، وننام بشكل كويس ، ونهدى وما نتوتر ونسيطر على ذا الموضوع لأن كل ذي الأشياء تأثر على  بشرتنا .

‍

عشان كذا لازم أننا : 

‍

• نشرب مويا : نحاول أننا نشرب تقريبا  8 أكواب يومياً. البشرة المرطبة هي بشرة سعيدة!

‍

• ننام تمام : لازم ننام على الأقل من7-8 ساعات كل ليلة. عشان بشرتنا  تصلح نفسها وقت النوم.

‍

• نسترخي ونرتاح وما نتوتر : لأن التوتر يخلي مشكلة  حب الشباب أسوأ، عشان كذا لازم نرتاح بين فترة وفترة. سواء كان بخرجة  أو عن طريق الكتابة في دفتر يومياتنا ، أو متابعة فلم ومسلسل نحبه ،لازم وضروري نخلي وقت لنفسنا .

‍

جاهزة للتألق في 2025؟ 🌟

‍

لما نبدأ روتين للعناية بالبشرة هذا بصراحة أفضل الأشياء اللي نسويها لنفسنا. صدقيني أنتي تستحقي أنك تحسي بالثقة والجمال في بشرتك! 💖 عشان كذا لازم يكون عندك مجموعة حب الشباب وخلي عام 2025 أفضل عام لبشرتك حتى الآن!

‍

في النهاية والختام : لا تنسوا متابعتنا على إنستغرام لأننا ننزل نصايح وطرق مفيدة تساعدكم تحافظو على بشرتكم رهيبة وتجنن ! 💖 وشاركوا معنا رحلتكم للعناية بالبشرة باستخدام #JasminaGlow – خلونا نشوف تحسن بشرتكم مع منتجاتنا!

‍