خلونا نكون صريحين معاكم شوية

طول الفترة اللي راحت ونحنا نعطيكم روتينات، ونصائح، و"سوي كذا ولا تسوي كذا".. بس  في سؤال مره مهم ما أحد سأله:

‍

بشرتك اذا تكلمت ايش بتقول لك؟

اتوقع عندها كلام كثير تبغى تقوله!

‍

ترا أنا مو قاعدة أهاجمك، أنا قاعدة أحميكي!

الزيوت اللي كل شوية تحاولي تفركيها وتمسحيها كأنها عدوتك؟ ترا هذي بشرتك تحاول تحمي نفسها.

ترى شوية "لمعة" مو معناها مشكلة، معناها بشرتك قاعدة تسوي شغلها لكن أحيانًا تسوي شغلها بحماس زايد شوية!

‍

وبعدين معاكي ، ممكن بليز توقفي  المفاجأت اللي تجيبيها  ليا كل يومين؟

غسول جديد

سيروم جديد

ترندات جديدة شفتيها على تيك توك الساعة 2 بالليل..

‍

بشرتك تقول لك: "تكفين، اثبتي لك على شخصية واحدة!

تغيير المنتجات كل شوي هو أكبر سبب يخلي بشرتك "متلخبطة"، ومتهيجة، أو باهتة. أحياناً المشكلة مو في بشرتك، المشكلة إن روتينك "حايس" وما له خطة واضحة.

‍

أترجاك خليكي  مستمرة !

• ما ينفع تسحبي على الروتين 5 أيام..
• بعدين تجيك الحالة ..
• تقومي تفجري وجهك بـ 10 خطوات في ليلة واحدة..

‍

وتتوقعي انها بتطلع "تلقّ" وتلمع وكأن ما صار شيء!

ترا الموضوع ما يمشي كذا أبداً.

‍

ممكن  ما تكوني اوڤر و تبالغي

كثرة المنتجات مو معناها بشرة أحسن.

بشرتك تقول لك: ليش قاعدين نقشر وجهنا مرة ثانية؟ ترا مسوينها قبل شوية !

‍

ما تحتاجي 7 خطوات، تحتاجي شي منطقي ويفهم لك.

مثلاً، استخدمي شي بسيط وفعّال، مثل جل 3 في 1  منظف - مقشر -قناع للبشرة المختلطة: ينظف ويقشر، يستخدم كماسك. يعني ما بتفكري بزيادة ولا تحطي طبقات مالها داعي.

‍

أنا مو سيئة.. أنا بس قاعدة اتواصل معاكي

حبوب؟

رؤوس سوداء؟

زيوت؟

هذا مو "فشل" من بشرتك.. هذي طريقتها عشان تقول لك في شي غلط.

توتر، عدم استمرار، مبالغة في المنتجات  كله بيطلع أثره على وجهك.

‍

طيب من جد  بشرتك ايش تبغا ؟

صدقيني.. ما تطلب المستحيل:

• حافظي على الاستمرار في العناية 
• خلي روتينك  للعناية بسيط.
• بطلي تفاجئيها !
• اسمعي لها وافهمي ايش محتاجة.

‍

كلمة أخيرة (من بشرتك):

كوني معايا ، لا تصيري ضدي.

وإذا تعبتي من الروتين اللي كأنه واجب مدرسي.. ابدئي بشيء بسيط ومنطقي.

اذا تبغي نصائح وحركات مفيدة، شيكي على المدونة  حقتنا.

‍