ما هي البشرة العادية ؟

قبل ما نبدأ لازم نشرح عن نوع البشرة المحضوضة .

نوع البشرة العادية ما فيها أي شروط واضحة يعني :  

لا دهنية ولا شديدة الجفاف ،وفي أغلب الأوقات تكون متوازنة بين الرطوبة والدهون .

هذه البشرة تتأثر بالعوامل الوراثية ، وممكن تتغير لعدة أسباب مختلفة مثل : الإجهاد والتعب والتغيرات الهرمونية أو الظروف الجوية القاسية أو قلة النظافة .

إذا كانت بشرتك عادية (ياحظك ) استخدمي نظام العناية البسيط جدا التالي

نظام البشرة العادية

هذا النظام يحافظ على بشرتك العادية ويخليها صافية ومنتعشة يوميا .

النظام الصباحي للعناية بالبشرة

هذا النظام الصباحي يحتاج منك دقيقتين فقط لأنه من ثلاثة خطوات بسيطة .

الخطوة الأولى : التنظيف  

حتى إذا ما كانت بشرتك دهنية ، تحسي دائما أن بشرتك عليها أوساخ وإفرازات دهنية وجلد ناشف وبقايا مواد تجميل (مكياج ) لازم تنظفي بشرتك عشان لا تنسد مسامك ويطلع لك حب شباب ورؤوس سوداء  

منظف منقي عادي ما فيه أي مكونات قوية مليان بالمستخلصات الطبيعية يكفي عشان ينظف بشرتك وينعمها .

الخطوة الثانية : الترطيب  

حتى إذا ما كانت بشرتك جافة بشكل كبير لازم تحافظي على ترطيبها باستخدام كريم للوجه .

تقدري تحطي طبقة بسيطة من كريم الترطيب على وجهك ورقبتك عشان تصير بشرتك صحية ومشرقة .

الخطوة الثالثة : واقي الشمس  

بغض النظر عن صحة بشرتك أنت محتاجة تتجنبي أضرار أشعة الشمس .

ممكن تحطي واقي شمس !

النظام الليلي للعناية بالبشرة  

بعد يوم طويل مليء بفعاليات الأهل والأصدقاء أيش رأيك بخطوات بسيطة تسعدِ بشرتك  

الخطوة الأولى : التنظيف  

أكيد نغسل وجهنا مرة ثانية !

بعد يوم طويل بتنصدمِ من كمية الأوساخ والشوائب الموجودة على بشرتك اللي ممكن تقفل المسام وتسبب مشاكل ثانية  

اغسليهم وابعديهم  

كل اللي تحتاجيه نفس الغسول المنظف المنقي  

الخطوة الثانية : قناع الوجه (اذا تبغي )

إذا عندك وقت حتى لو بسيط أسعدي بشرتك بقناع خفيف لطيف  

هذه الخطوة تنظف وتشيل الأوساخ والسموم من بشرتك وتحسسك بالهدوء والاسترخاء خصوصا إذا كانت قبل وقت النوم .

قناع الوجه بالصبار يغذي ويهدي بشرتك لنهاية يوم لطيف وكله فوائد .

البشرة العادية تحتاج عناية بكل حب

عندك نوع بشرة يتمناه الجميع بس هذا ما يمنع أنك تعطيها العناية اللي تستحقها .

نظام العناية الصباحي والمسائي البسيط جدا يساعدك تحافظي على بشرتك من ظهور أي مشاكل عليها في المستقبل .

وكذا يسير عندك بشرة صحية !

‍