‍

كلنا عندنا هذه الحركة اللي نسويها ونقول:

«عادي ما تضر!»

وأحياناً فعلا ما تضر!

بس أوقات ثانية... بشرتك تكون تخطط تنتقم منك بالسر 😅.

‍

هذي كم شغلة نسويها كل يوم ونحسبها مالها أثر... لين تبدأ بشرتك تشتكي وتقول خلاص تعبت.

‍

بغسل وجهي بكرة الصباح

‍

وهذا يعني: 

بانام بكل الزيوت والعرق، وواقي الشمس، والميك أب، وكل الغبار اللي لقطته بشرتي اليوم.

عارفين، تكوني تعبانة ومالك خلق.

بس مو منطقي تخلي المخدة هي اللي تسويلك روتين العناية!

حتى لو غسلة سريعة بالليل، أفضل بمليون مرة من انك تطنشي.

‍

صحبتي عندها ملمع شفايف بطلبه منها

‍

يا قلبي...

كلنا نحب المشاركة والفرعة.

ملابس؟ تم.

شبس؟ أبشري.

مسكرة؟

مكياج شفايف؟

أي شيء يلمس وجه غيرك؟

هنا نوقف شوي!

مشاركة المكياج تعني مشاركة بكتيريا، وبشرتك أبداً ما عزمت هالبكتيريا ولا تبغاها.

‍

الصابون كله صابون... صح؟

‍

كلنا فكرنا فيها لو مرة 

تغسلي جسمك، والوجه جزء من الجسم... يعني ينفع؟

لاااااااااا طبعاً!

صابون الجسم مخصص لبشرة أقوى بكثير من بشرة الوجه، وعادي يهيج وجهك ويخليه جاف ومشدود ويحكك.

وجهك يستاهل غسول خاص فيه.

تخيليها كذا: ما راح تغسلي هوديك المفضل بمنظف الأرضيات، صح؟ نفس الفكرة تماماً. استخدمي غسول مخصص لوجهك بس.

‍

جوالك لف العالم ورجع لوجهك

‍

سريرك، شنطتك، طاولة الكافيه، مكتبك، وحتى النادي...

وبعدها... على خدك مباشرة!

شاشة جوالك تلقط بلاوي غير السيلفي، عشان كذا مسحة سريعة بين فترة وفترة موغلط، خصوصاً إذا مكالماتك كثيرة. بشرتك بتشكرك على هالحركة.

‍

غطاء المخدة مو ساحر

‍

تغسلي وجهك... وتنامي على نفس غطاء المخدة اللي له...

خلاص بلاش نعد الأيام.

تغيير غطاء المخدة باستمرار ما راح يشيل الحبوب بلمح البصر، بس بيكون من العادات الصغيرة اللي تفرق مع الوقت.

‍

بس حبة وحدة بضغطها ...

‍

جملة شهيرة قبل الكارثة!

كلنا وقفنا قدام المراية وقولنا: بس هذي الحبة اضغطها وأرتاح.

بعد عشرين دقيقة...

وجهك يقلب أحمر، والحبة مكانها، وصارت عندك مصيبة جديدة!

ابعدي عن المراية، شيلي يدك، وصدقيني نحس فيكي ونعرف إنك تقدري تقاومي.

‍

ترى بس خرجت خمس دقائق

‍

والخمس دقائق تصير خمسة عشر...

وبعدين نص ساعة...

وفجأة تكتشفي أنك قضيتي العصرية كلها تحت الشمس.

حتى لو الجو مغيم، بشرتك تحتاج حماية (ايوه... حتى وهو مغيم).

‍

تجربي منتج جديد كل ويكند

‍

مشهورة تمدح شيء، وبنت عمك تمدح شيء ثاني، وتيك توك مطلع لك «المنتج السحري».

ومن غير ما تحسي، تلاقي روتينك يتغير كل أسبوع.

بشرتك تضيع وما تدري ايش اللي قاعد يفيدها مع التغيير المستمر.

أحياناً أفضل شيء تسويه هو... ولا شيء!

يعني مو ولا شيء بالمرة، بس اثبتي على روتين واحد فترة كافية عشان تشوفي نتائجه.

‍

المختصر المفيد مع جاسمينا بالتأكيد 

 بسطيها وتتحسن !

‍

بشرتك ما تطلب منك المثالية، تبغا بس كم شغلة بسيطة وتستمري عليها.

غسول بسيط ممكن يسوي أغلب الشغل.يعني زي  غسولنا جل منظف منقي ينظف بلطف أوساخ اليوم والزيت والمكياج من دون ما يسحب من بشرتك رطوبتها، وذا يخليه عادة سهلة تحافظي عليها حتى بالأيام المزحومة.

‍

لأن الأشياء الصغيرة اللي تسويها كل يوم تفرق أكثر بمليون مرة من ماراثون عناية تسويه مرة بالشهر!

بشرتك مركزة معاكي... حتى لو أنتي مو مركزة.

‍