‍
‍لا تلومي بشرتك، تراها حرفياً تسوي شغلها‍

أوكي.. ندري إننا غثيناك بمواضيع الحبوب، وأعطيناكِ روتينات لأوقات الضغط، وقلنا لك ايش تستخدمي، ومتى، وكيف تعالجي المشاكل..

لكن، لازم نذكرك بشيء مررره مهم.

مو كل شيء تسويه بشرتك يعتبر مشكلة.

‍

أحيانًا.. بشرتك بس قاعدة تمارس حياتها الطبيعية!

شوية دهون؟ 

هذا جلدك جالس يحمي نفسه.

‍

بشرة مو ملساء تمامًا؟ 

هذا الطبيعي، ترا بشرتك مو مفروض تكون "فلتر" طول الوقت.

‍

طلعت لك حبة فجأة؟

 هذي ردة فعل لجسمك مع التوتر، الهرمونات، أو ضغوطات الحياة.

بشرتك ما تحاول تخرب حياتك، هي فعليًا جالسة تسوي وظيفتها وبس.

‍

الدهون مو عدوتك

‍

نفهمك.. إذا شفتي وجهك يلمع تبدأ حالة الرعب.

بس تذكري إن الدهون (الزيوت الطبيعية) وظيفتها:

• تخلي بشرتك رطبة.
• تحمي حاجز البشرة.
• تمنع جفاف الجلد.
  ‍

لما تحاولي تنشفيها وتمسحيها تمامًا، بشرتك بتقول: "أفا! كذا النظام ؟ طيب بطلع لك دهون زيادة!"

وكذا بتدخلي في دوامة ما تنتهي.

‍

الحبوب مو معناها انك "فشلتي"

‍

طلعت لك حبة؟ مو معناها:

• روتينك فاشل.
• بشرتك صارت "سيئة".
• لازم تغيري كل منتجاتك الان و فورًا.

‍

أحيانًا الحبة معناها بس إنك: تعبانة، مضغوطة، أو بكل بساطة.. إنسانة طبيعية.

‍

ملمس البشرة طبيعي (كرريها وراي!)

‍

بشرتك فيها:

• مسامات.
• نتوءات صغيرة.
• مناطق مو متساوية.

‍

هذا هو شكل البشرة الحقيقية، مو كل شيء يحتاج "تصليح".

‍

المشكلة الحقيقية؟ أنك تبالغي في ردة فعلك

اللي يخلي الوضع يسوء مو بشرتك، اللي يخليها تسوء هو:

• تجربة منتجات كثيرة مرة واحدة.
• تغيير الروتين كل أسبوع.
• الهجوم على البشرة وهي أصلاً تعبانة.

بشرتك ما تحتاج "عقاب"، تحتاج توازن.

‍

خليكي بسيطة

بدل ما تحاربي بشرتك افهميها وصاحبيها 

ما تحتاجي:

• روتين من 10 خطوات.
• 5 أنواع علاج مع بعض.
• تغيير الروتين مع كل حبة تطلع.

‍

بس تحتاجي شيء:

• ينظف بذكاء.
• يحافظ على التوازن.
• ما يرهق بشرتك.

إذا تبغي تخلي الموضوع بسيط 

اذا تبغي روتين معقول (وما يحسسك إنك في وظيفة مملة)، ابدئي بشيء يعطيك مفعول قوي بخطوات أقل.

‍

استخدمي من جاسمينا جل 3 في 1  منظف - مقشر -قناع لأنه :

ينظف، يقشر بلطف، ويساعد في موازنة بشرتك.. كل هذا في خطوة واحدة سهلة!

‍

المختصر المفيد من جاسمينا بالتأكيد : 

‍

بشرتك ما تورطك أو تحاربك بالعكس هي جالسة تحميك.

أحيانًا.. تسوي شغلها بحماس زايد شوية!

‍

خلك بصفها مو ضدها يا "قلبيي"!

‍