ماسك تمام بين الدراسة والمهام يخلي البشرة ولا في الاحلام 

‍

لأنه مين قال أن العناية بنفسك والواجبات ما يجتمعو؟

‍

خلونا نكون واقعيين، المذاكرة مو ذاك الشي الي يتحمس له الواحد.

سواء كنتي تذاكري للاختبار أو تشتغلي  على مشروع ما له آخر، ولا تذاكري وأنتي أساسًا تشوفي التيك توك، ايش رايك نخلي وقت المذاكرة احلى شوي.

‍

هنا يجي دوري:  ماسك المذاكرة من جاسمينا  أسهل طريقة تخلي بشرتك مشرقة ودرجاتك كويسة (ان شاء الله).

‍

ليش تحطي ماسك وأنتي تذاكري؟
‍

• فائدين بوقت واحد:انتي اساسا جالسة ليش ما تحطي ماسك وتكملي مذاكرتك عادي .

• يخليكي رايقة : يجيكي شعور كذا رهيب لما تحطي ماسك تحسي امورك كلها تمام وتحت السيطرة.

• عناية + إنتاجية:ما تحتاري بين انك ترتاحي ولا تخلصي مذاكرتك أو شغلك لأنك تقدري تسوي الاثنين بنفس الوقت .

‍

احسن ماسك للواجبات
‍

تبغى شي:

•  يخلص سريع سريع يعني تقريا الموضوع كله ما ياخذ ١٠-١٥ دقيقة

•  ينعشك (عشان ما تغفي وأنتي تذاكري)

• يفيد بشرتك فعلاً

‍

استخدمي : ماسك قابل للنزع منقي ومنظم لإفرازات البشرة

فيه مكونات تحبها البشرة، تساعد على تنقيتها، ترطيبها، وتهدئتها... مثالي بعد يوم دراسة طويل، وممتاز للبشرة الدهنية لأنه يوازن الإفرازات!

‍

أفكار للماسك حسب المادة:
‍

• ماسك واجب الرياضيات: صدقينا، هذا الواجب بياخذ وقت أطول من الماسك نفسه.

• ماسك ملخص التاريخ: على الأقل بشرتك بتكون مشرقة وأنت تحاولي تفهمي اللي صار سنة ١٧٨٩.

• ماسك بريك التيك توك: لأننا عارفين أن هالبريكات مو ٥ دقائق.

‍
‍

كيف تستخدمي الماسكات  بشكل احترافي: 
‍

1.  اغسلي وجهك ونظفيه: دائما لازم يكون وجهك نظيف عشان الماسك يكون فعال وهنا تستخدمي جل 3 في 1 > منظف - مقشر - قناع

2.  استخدمي الماسك: حطيه بشكل متساوي وبعيد عن عيونك  .

3.  ضبطي المنبه: ١٠-١٥ دقيقة. (لا تنسيه عليك لين اخرالليل!)

4.  اشطفي + رطبي:وهذا يكون مع كريم لبشرة الوجه المعرضة لحب الشباب عشان تحافظي على اشراقتك.

‍

ايش الفائدة من ذا كلو : 

انك وقت ما تخلصي واجباتك، بيكون عندك:

• بشرة نضرة  وحيوية
• مزاج رايق ومود عال العال 
• وجه جاهز للسلفي والستريكات بعد المذاكرة

‍

زبدة الموضوع : 

المذاكرة ممكن تكون متعبة، لكن بشرتك مو لازم تكون كذا. 

حطي ماسك، افتحي الكتاب وذاكري، وسوي اكثر من شي بنفس الوقت عشان في النهاية تكوني ناجحة وحلوة .

‍