أوف.
وصلت الحبيبة.
الحبة الوحيدة اللي مستحيل اكون عزمتها.

وطبعاً، ما يحلى لها تطلع في يوم عادي زي يوم الثلاثاء وأنتي جالسة بالبيت.. لأ طبعاً!

اختارت الوقت الصح:

قبل الزواج بيوم.‍

الليلة اللي قبل عرضك المهم.
صباح يوم ميلادك.
قبل خمس دقائق بس من روحتك للناس.
لااااااااا!!!

بس قبل ما تبدئي تعصري، وتحكي، وتحطي  كل منتج عناية عندك على وجهك... هدي شوي.
خلينا نتعامل مع الموضوع بذكاء.

‍

القاعدة الأولى: يدك... لا تلمسها.

عارفين بأيش تفكري.
"بعصرها عصرة وحدة بس."
لأ.

ما فيه شيء اسمه "بس مرة وحدة".

بتعصريها ← بتحمر ← بتعصريها ثاني ← بتلتهب وتزعل عليك ← بتحطي فوقها كونسيلر ← وتكتشفي إنها صارت واضحة أكثر وأكثر!
‍

والان واقفة قدام المراية وتسألي نفسك: "وين غلطت بالضبط؟"

خليها بحالها.

يدك طول اليوم تمسك جوالك، شعرك، مساكات الأبواب، شنطتك...

وجهك أبدا مو ناقص هالحفلة كلها.

‍

القاعدة الثانية: لا تقلبي فجأة عالمة عناية بالبشرة!‍

هذا مو الوقت المناسب تجرّب فيه كل الخلطات والحركات اللي حفظتيها بتيك توك.
معجون أسنان؟
لأ.

ليمون؟
أبداً ولا تفكري!

وذاك المنتج الغريب اللي صديقك تحلف إنه "يحرق الحبة ويخفيها"؟

نخليه مكانه ولا نلمسه.
وجهك مو حقل تجارب الان! لأ!

‍

القاعدة الثالثة: نظّفي وجهك... بس بدون ما تهجمي عليه!‍

أول ما تطلع الحبة، يجيكي شعور نفسك تغسلي وجهك وتحكيه لين تحسي إنه يلمع من النظافة.
تكفي لا تسويها.

الهدف مو إن بشرتك تنشف، الهدف تكون نظيفة ومرتاحة.
‍جل منظف > منقي يخفف زيوت اليوم، والأوساخ، والميك أب بدون ما يحسسك إن بشرتك انشدت وانعصرت.

وأيوه، تقدري تستخدميه عادي حتى لو بشرتك تعبانة شوي الحين.

‍

القاعدة الرابعة: خليكي على روتينك العادي والممل.

ترا هاذي حقيقة مو تنمر 
لأن هذا مو وقت:
سيروم جديد! ماسك جديد! مقشر جديد!
حبة وحدة طلعت لك ما يعني إنك تهدمي روتينك كله وتبنيه من جديد بليلة وحدة.
خليكي على المنتجات اللي بشرتك متعودة عليها من زمان.

اللي فيها مكفيها.

‍

القاعدة الخامسة: ارجوكي لا تلعبي فيها قبل مناسبتك.

نذكرك في هذه المعلومة للمرة الألف!
الحبة العادية تنبلع وتتصلح.
بس الحبة اللي ملعوب فيها ومحمرة وملتهبة وخليتها أوضح بـ 10 مرات؟
هذي هي اللي تتعب من قلب .
نزلي المراية من يدك.
قومي من مكانك.

روحي سوي أي شيء ثاني بالدنيا.

‍

وإذا للحين خايفة ومتوترة

تذكري:

‍ترى أنتي ملاحظها أكثر بكثير من أي أحد ثاني.

أنتي شيفاها لأنك عارفة مكانها بالضبط.
بس اللي جالسة تتكلمي معاها غالباً تفكر ايش تتعشى بعد شوي!
مو بجبهتك.
ولا بذقنك.
ولا بالحبة الصغيرة.

أمورك طيبة، و وضعك بالسليم.

‍

قاعدة جاسمينا لحبة الطوارئ:

لا تخافي.
لا تلعبي فيها.
لا تجربي خلطات.
خلي روتينك بسيط واعطي بشرتك شوية وقت.
لأن أحياناً أفضل شيء تسويه لما بشرتك تقرر تسوي دراما...
انك ترفضي تدرعمي معها!

وإذا صحيتي اليوم ولقيتي حبة طوارئ بوجهك؟

نعوضك خير ونقولك معليش...

‍

بس ترى للحين شكل يجنن وكيوت 😍

‍