Feel Good Guarantee / 30 days See details
سوء الفهم الكبير عن المرطب
No items found.
خلونا نوضح نقطة مهمة.
لأن بشكل أو بآخر، بدأت تطلع إشاعة وتنتشر في المدارس، قروبات الواتساب، كومنتات التيك توك، وفيديوهات العناية بالبشرة:
"أنا ما أقدر أستخدم مرطب، بشرتي أصلاً دهنية."
والغريب... إن الكل صدق السالفة!
إذا قد مر عليك يوم شفتي فيه جبهتك تلمع وقلتي لنفسك: "آخر شيء أحتاجه هو ترطيب زيادة"، فالمقال هذا مكتوب عشانك.
لحظة... المرطب ما يخلي البشرة دهنية زيادة؟
نهائيا ولا نقطة حتى
بالعكس، ترى أحيانًا يصير العكس تمامًا.
لما تحس بشرتك إنها جافة، تبدأ تفرز دهون زيادة عشان تعوض هذا الجفاف.
يعني بشرتك كأنها قاعدة تقول لك:
"طيب، إذا ما راح ترطبيني، أنا برطب نفسي بنفسي."
وفجأة تلاقي وجهك يلمع أكثر من أول.
موقف محرج، صح؟
الدهون والترطيب مو نفس الشيء!
هنا عاد النقطة اللي تلخبط أغلب الناس.
تخيلي بشرتك كأنها نبتة.
الزيت والموية شيئين مختلفين تمامًا، صح؟
مستحيل تشوفي نبتة ذابلة وجافة وتقول:
"لا تسقوها موية، ترى عندها أوراق خلاص."
نفس الفكرة بالضبط.
بشرتك ممكن تكون:
- دهنية وبنفس الوقت فاقدة للترطيب (جافة داخليًا).
- جافة و فاقدة للترطيب.
- مختلطة وفاقدة للترطيب.
يعني بالمختصر: البشرة الدهنية لسه تحتاج ترطيب، وبقوة بعد.
"بس كل ما أحط مرطب تطلع لي حبوب..."
مو شرط يكون المرطب هو السبب.
أحيانًا:
- تركيبة المرطب نفسه ما تناسب نوع بشرتك.
- قاعدة تحطي كمية مرة زيادة عن اللزوم.
- تظلمي المرطب و تلوميه على حبة كانت أصلاً بتطلع في كل الأحوال.
وأوقات ثانية، بشرتك تكون متحسسة من شيء ثاني تمامًا، بس المرطب هو اللي يلبس التهمة في النهاية.
إنصافًا للمرطب، حرام اللي قاعد يصير فيه هههه.
زي اللي تتمرن وما تشرب موية!
تخيلي تتمرني وتخلصي، بعدين تقولي:
"والله اليوم مالي خلق أشرب موية، ما أحتاجها."
كلام مايدخل العقل، صح؟
لكن للأسف، فيه ناس تسوي نفس الحركة هذي في روتين العناية بالبشرة كل يوم. تلاقيهم:
يغسلو بالغسول.
يقشرو البشرة.
يستخدمو سيرومات وعلاجات.
...وبعدين يوقفو!
بدون أي مرطب.
وبشرتك تجلس مسكينة تتساءل ايش الذنب اللي سوته عشان تستاهل كذا.
خصوصا اذا كنتي تستخدمي منتجات حب الشباب
هنا عاد يجي دور المرطب ويصير أهم بمليون مرة.
المكونات اللي تعالج الحبوب وتخففها، أحيانًا تخلي البشرة جافة أو متهيجة.
عشان كذا "التوازن" هو السر.
ما ينفع تقضي كل وقتك تحاربي الحبوب، وبنفس الوقت تخلي بشرتك تعبانة ومشدودة ومو مرتاحة.
طيب... يعني البشرة الدهنية تحتاج مرطب؟
إي نعم.
والبشرة المختلطة؟
برضه إي نعم.
والبشرة المعرضة للحبوب؟
أكيد إي نعم.
بالمختصر، ما دامك مو "صبارة"، فغالباً بشرتك راح تدعي لك لو رطبتيها.
السر الحقيقي
كثير ناس يتوقعو أن البشرة الصافية تجي من:
- إننا ننشف الدهون تماماً ونقضي عليها.
- نستخدم منتجات قوية وحارة على البشرة.
- نزيد في السيرومات والعلاجات.
بس تبغي الصدق؟ في أغلب الأوقات، البشرة الصحية تجي من التوازن.
مو إنك تدخلي معركة مع وجهك كل يوم قبل النوم!
المختصر المفيد مع جاسمينا بالتأكيد
المرطب مو هو الشرير في القصة.
ولا هو اللي يخلي بشرتك تكسل عن وظائفها.
ولا يعني أوتوماتيكيًا إنه بيطلع لك دهون.
وأكيد مو الشيء اللي تسحبي عليه لمجرد إن منطقة الـ (T-zone) عندك بدت تلمع وقت الغداء.
بشرتك تحتاج تنظيف واستمرارية... وبس، ايوة كمان تحتاج ترطيب.
لأن الموضوع عكس المنتشر بين الناس، الهدف مو إن بشرتك تصير ناشفة ومشدودة ، الهدف إنها تكون صحية ومرتاحة. والفرق بين الاثنين شاسع.
ملاحظة: إذا قاعدة ترتبي روتينك من جديد، ابدئي بالسهل. غسول لطيف مثل جل منظف > منقي ينظف وجهك من أوساخ اليوم والدهون الزائدة بدون ما يحسسك بجفاف وشد، ويعطيك البداية المثالية
قبل ما تكملي باقي خطوات روتينك.
منتجات ذات صلة
No items found.
مقالات ذات صلة
No items found.
