نصائح العناية بالبشرة نوعين:

نوع ينفعك من جد .

ونوع تحسي بسببه إنك تحتاجي 14 منتج، وثلاجة خاصة، وشهادة كيمياء بس عشان تغسلي وجهك!

فخلونا نسحب على كل هذا...

وهذي هي القواعد اللي فعلاً كنا نتمنى أحد قالها لنا من بدري: 

‍

القاعدة 1: كثرة المنتجات مو معناه بشرة أحسن!

‍

إذا رفوف حمامك زحمة والمنتجات اللي عليها تغطي الشمس، وبشرتك للحين ضايعة ومو فاهمة ايش الهرجة 

شكل الوقت جاء عشان تبسطي الموضوع على نفسك !

يعني لما تحطي المنتجات فوق بعض ما راح يخفي الحبوب بقدرة قادر بين يوم وليلة.

أحياناً، كل اللي تحتاجه بشرتك هو روتين بسيط تقدري تستمري عليه. وإذا تبغي روتين سهل وسريع، جربي جل 3 في 1 > منظف - مقشر - قناع من عندنا 

‍

القاعدة 2: لا تعلني الحرب على بشرتك!
‍

تطلع لك حبة صغيرة قد النملة

وفجأة تبدئي تفركي وتفعصي، وتحطي ثلاث كريمات مختلفة للحبوب، وكل ساعة تتأكدي بالمراية !

فاهمينك والله... بس بشرتك مو عدوتك!

عاملها بشويش وبحنية، وهي بتعاملك  بالمثل وتتحسن .

‍

القاعدة 3: التيك توك للتسلية لكن بشرتك مو محتاجة تجرب كل الترندات اللي فيه 
‍

اليوم لازم نحط طبقة سميكة من الكريم.

واليوم اللي بعده مساج الثلج على الوجه.

وبعدين الكل يفرك قشر الموز على وجهه.

النت يتحرك بسرعة.

بشرتك مو لازم تتحرك بنفس السرعة.

مو كل شيء يجيب مليون مشاهدة يعني لازم تجربيه على وجهك!

‍

القاعدة 4: غسلي وجهك قبل تنامي كل يوم !
‍

ايوة

حتى اذا إنك ميتة من التعب.

حتى اذا ما حطيتي إلا "شوية ماسكارا بس.

حتى اذا النسخة المستقبلية منك تقول: عادي، نشوف الموضوع بكرة.

ترى حركة نشوف الموضوع بكرة أكبر كذبة تكذبيها على نفسك !

خذي دقيقتين بس و بتلاحظي الفرق على بشرتك.

‍

القاعدة 5: خلي الموضوع بسيط 
‍

روتينك مو لازم يحسسك إنك تبصمي للدوام أو تحلي واجب صعب الساعة 3 الفجر.

غسول ممتاز ويأدي غرضه صح، يعتبر بداية رهيبة!

عشان كذا نحنا نعشق  جل 3 في 1 > منظف - مقشر -قناع اللي ذكرناه فوق لأنه:  ينظف، ويقشر بنعومة، ويشتغل كـ ماسك بنفس الوقت! يعني منتجات أقل، وحوسة أقل، ووقت أكثر تسوي فيه أي شيء ثاني.

‍

القاعدة 6: لا تتوتري وتخافي عشان طلعت لك حبة !
‍

حبة واحدة طلعت لك مو معناه إن روتينك كله فاشل!

ولا معناه إنك لازم ترمي كل أغراضك بالزبالة وتبد ئي من الصفر.

أحياناً البشرة بس تحب تستهبل وتطلع حبة، عادي تصير!

‍

القاعدة 7: خلي عندك صبر (ندري إن الموضوع مزعج !)
‍

العناية بالبشرة مو زي طلبات المطاعم

ما تقدري تتوقعي النتيجة تبان بـ 20 دقيقة!

اعطي المنتجات وقتها قبل تقرري إنها "ما فادت بشيء".

بشرتك تتغير كل يوم، حتى لو ما لاحظت هذا الشيء للحين.

‍

القاعدة 8: بشرة عن بشرة تفرق
‍

عادي جداً صديقتك تمدح منتج و تطير فيه للسماء، لكن إذا تحطيه على بشرتك يضرها !

هذا الطبيعي

الهدف مو إنك تقلدي روتين غيرك، الهدف إنك تطيحي على الشيء اللي يظبط مع بشرتك أنت.

‍

القاعدة 9: بطّلي تروحي للمراية كل خمس دقايق
‍

نعرف شعور لما كل شوي تروحي للمراية وتتمني إن الحبة اختفت؟

ايوة  ترى ما اختفت!

روحي عيشي حياتك،  بشرتك تستاهل ترتاح شوي من التفتيش والتدقيق وكأنها تحت المجهر.

‍

القاعدة 10: الاستمرارية دايماً تغلب المثالية
‍

الروتين "المثالي" اللي تسويه مرة واحدة بالأسبوع؟ ما منه اي فايدة.

لكن الروتين البسيط اللي تستمري عليه يومياً؟ هوا اللي يخليكي تشوفي النتائج الحقيقية !

‍

المختصر المفيد مع جاسمينا بالتأكيد : 
‍

بشرتك ما تتوقع منك تكوني مثالية، ولا تحتاج كل منتج طالع ترند، ولا تحتاجك تتوتري كل ما تغير فيها شيء.

كل اللي تحتاجه هو شوية استمرارية، شوية صبر، وروتين يناسب حياتك اليومية الطبيعية.

لأن العناية بالبشرة المفروض ما تكون معقدة، المفروض تكون شيء تقدري تسويه بكرة وبعده بدون كسل!

‍