حبوب بشرتك تتكلم ايش ممكن تقول لك عن عاداتك( كيف تقدري تعدليها وتسيطري عليها )

‍

الحبوب مزعجة وتطلع فجأة وطبعا تطفش  لكن !!!

يمكن تحاول بشرتك تقول لك شي مو منتبهه له ، خلينا نكون صريحين: مو دايما المشكلة من المنتجات اللي تستخدميها

‍

خلينا نشوف الحبوب ايش تقول عن عاداتك اليومية، وكيف ممكن تعدليها بتغييرات بسيطة مع شوية مساعدة من منتجات جاسمينا الرهيبة.

‍

١. حبوب على خدودك ؟ صدقيني جوالك هو السبب !  

‍

يا قلبي تخيلي معايا ، جوالك طول اليوم يلمس وجهك صدقيني ترا مليان بكتيريا من: يدك ، شنطتك ، مكتبك وكمان من الحمام (يععع !) 

‍

الحل:

‍

• مسحي جوالك كل يوم بالمناديل المعقمة
• استخدمي السماعات اذا بتتكلمي فترة طويلة عشان الجوال ما يلمس بشرتك.
•  نظفي وجهك بجل 3 في 1 > منظف - مقشر - قناع اللي فيه فحم ينقي البشرة وحمض الساليسيليك اللي يخلصك من البكتيريا اللي تسبب حب الشباب. 

‍

٢. حبوب بالذقن وخط الفك ؟ يمكن موعد دورتك الشهرية قريب ! 

‍

الحبوب الهرمونية تحب تطلع بمنطقة الذقن وقت الدورة . هاذي مو خرافات هاذي حقيقة علمية مثبتة .

‍

الحل:

• استخدمي منتجات مهدئة للحبوب قبل الدورة بكم يوم.
• جربي كريم لبشرة الوجه المعرضة لحب الشباب لأنه :  خفيف، ما يسد المسام، وفيه عكبر وفلافونويد لتقليل الالتهاب والاحمرار . 

‍

٣. حبوب بالجبهة؟ يمكن منتجات شعرك هي السبب!  

‍

الجل، الزيوت، أو حتى السبراي ممكن ينزل على بشرتك ويسد المسام، خاصة عند خط الشعر والجبهة.

‍

الحل:

‍

• غسلي وجهك بعد ما تسوي شعرك.  
• خلي الشعر بعيد عن وجهك قد ما تقدري .  
• استخدمي قناع الوجه > تنقية الطين الابيض اللي فيه طين أبيض و مستخلص الزعتر اللي يمتص الزيوت ويهدي الحبوب.  

‍

٤. حبوب بكل الوجه؟ خلينا نتكلم عن النوم والسكر!  

‍

الأكل متأخربالليل، قلة الماء، والسهر لآخر الليل... كلها تأثر على بشرتك. قلة النوم وكثرة السكر يزيدو الالتهابات والحبوب.

‍

الحل: 

‍

• نامي من ٧ إلى ٨ ساعات يوميًا.  
• اشربي موية كفاية (أيوا، مرة ثانية لان الموضوع مهم ).
• استخدمي قناع قابل للنزع منقي ومنظم لإفرازات البشرة مرة بالاسبوع لأن  فيه ما تشا وأوليفيرا يوازنو و يهدو بشرتك

‍

٥. حبوب فجأة بكل مكان؟ نظفي غطاء المخدة (الوسادة)

‍

لأنك تنامي على غطاء المخدة كل يوم فا بيكون مليان بالزيوت، البكتيريا، ومتبقيات منتجات الشعر طبعا هذا كله يبان على بشرتك 

‍

الحل: 

‍

• غيّري غطاء المخدة (الوسادة) مرتين على الأقل أسبوعيًا.  
•  استخدمي مقشر لطيف أسبوعيًا مثل: جل منظف >مقشر عشان تنظفي بشرتك بدون ما تسببي لها جفاف وعشان تحافظي على نعومتها   

‍

‍

المختصر المفيد مع جاسمينا بالتأكيد : 

‍

الحبوب مو دايما معناه أن روتينك غلط... أحيانًا العادات هي اللي تحتاج تغيير. جربي تبدي بشيء بسيط، اسمعي لبشرتك وانتبهي لرسائلها ، وحافظي و استمري بروتين بشرتك .

‍

شوية مساعدة من منتجات جاسمينا الرهيبة ماتضر، صدقيني بترجع  بشرتك نظيفة ومشرقة ونقية بسرعة! 💖

‍