Feel Good Guarantee / 30 days See details
ليش بشرتك أحيانًا تصير خرافية وانتي ما سويتي شي
No items found.
فسّرولي هالموضوع.
تقعدي ساعة كاملة تسوي روتين للعناية بالبشرة.
تشربي مويه.
تتجنبي الشوكولاته لأن وحدة في تيك توك قالت كذا.
تنامي بدري.
تتكلمي مع بشرتك انها تكون هادئة وما تفاجئك .
وفجأة تصحي تلاقي حبوب طالعة.
بعدين، في يوم ثلاثاء عادي جدًا.
تنامي وانتي تتفرجي على مسلسلك أو فلمك.
تنسي نص الروتين.
تصحي قبل المدرسة بخمس دقايق بس.
تشوفي وجهك بالمرايه...
ماعمرك شفتي بشرتك في هذا الجمال في حياتك !
أو تسافري، وتنسي نص مستحضراتك في البيت، وفجأة بشرتك تلمع زي القمر.
يا جماعة، ايش الموضوع ؟! كيف يصير كذا؟!
بشرتك تحب تسوي دراما شوي
نحلف إنها عندها شخصية مستقلة.
كل ما تركزي فيها وتحليلها وتفحصيها تحت ضوء الحمام، كل ما اقتنعتِ إن فيه خلل.
بينما الكل اللي حواليك يشوفوكي ويقولو في بالهم:
بشرتها تجنن، ايش سرها؟
غالبًا تكوني وقفتي عن المبالغة
هذا اللي يصير عادةً.
لما نحاول نصلّح بشرتنا بقوة، نبدأ نسوي أكثر من اللازم.
غسول جديد.
سيروم جديد.
ترند جديد.
مقشر ثاني.
ماسك للوجه لأن... ليش لا؟
وبشرتك قاعده تقول:
ممكن نرتاح شوي؟
بعض الأحيان، الأقل يكون أحسن.
الاستمرارية تفوز على التوتر واستخدام كل شي مرة وحدة
البشرة الحلوه مو نتيجة منتج سحري واحد.
هي نتيجة أشياء بسيطة وممله تتراكم مع بعض.
تغسلي وجهك.
تستخدمي منتجات تناسب بشرتك.
ترطبي.
فعليًا تلتزمي بروتينك.
ما تغيري كل شي كل ويكند لأن وحده في قسم المخصص لك على تيك توك قالت لازم.
التوتر يبين على وجهك أكثر مما تتصوري
لاحظتي إن بشرتك تعصب وقت الاختبارات؟
أو قبل مناسبة كبيرة؟
هذا مو صدفة.
لما تكوني متوترة، بشرتك تحس بتوترك.
فا نحنا ما نقول "لا تتوتري" (لأن... سهل نقولها بس صعب نسويها)، بس اعطي نفسك نوم مريح والتزمي بروتين بسيط، هذا يفرق أكثر من انك تجربي كل ترند جديد للعناية بالبشرة.
بشرتك ما تحتاج متابعة على كل صغيرة وكبيرة
تخيلي احد يمشي وراكي طول اليوم يقول:
كيفك اليوم ؟
طيب كيفك الان ؟
والان ؟!
بتتنرفزي، صح؟
بشرتك نفس الشي.
تحتاج وقت.
تحتاج استمرارية.
وبعض الأحيان، كل اللي تبغاه إنك ما تشوفيها في المراية كل عشر دقايق.
المختصر المفيد من جاسمينا بالتأكيد
ما فيه جائزه للي عندها أطول روتين للعناية بالبشرة.
ما تحتاجي ١٢ منتج مصفوفين على الرف.
بعض الأحيان كل اللي تبغاه بشرتك روتين يناسب حياتك فعلًا.
عشان كذا نحب المنتجات اللي تخلي الأمور بسيطة، زي منتج جل 3 في 1 > منظف - مقشر -قناع. ينظف، يقشر بلطف، وفي نفس الوقت يشتغل كماسك، فتسوي أكثر من مهمة بدون ما تحولي حمامك إلى معمل عناية بالبشرة.
طيب ايش السر؟
السر مو انك تسوي مو مهتمة.
السر إنك تهتمي بدون ما تعقّدي الأمور.
كوني واثقة بروتينك.
اعطي بشرتك وقتها.
بطلي تحاولي تزبطيها كل يومين.
لأن الغريب في الموضوع ان :
الأيام الحلوة للبشرة تجي عادةً لما توقفي عن ملاحقتها.
منتجات ذات صلة
No items found.
مقالات ذات صلة
No items found.
