‍بشرتك ليش مو نفس الشيء في كل الأيام (هل هذا شي طبيعي؟)‍

قد صحيتي مرة ولقيتي بشرتك حلوة وبعدين اليوم اللي بعده تصير دهنية، تطلع فيها حبوب.

نفس الوجه بس المزاج مختلف؟؟

قبل ما تتوتري وتغيري روتينك بالكامل، ارتاحي. بشرتك مو "سيئة". بس تمر بأيام مختلفة.

تعالي نتكلم عن الموضوع.

‍

اليوم اللي تكون فيه البشرة حلوة

أنتِ تعرفي هذا اليوم.

بشرتك صافية، ناعمة، مشرقة كل شيء ماشي تمام.

وفجأة تحسي:

اخيرا بشرتي تحسنت للأبد.

هدي هدي هدي !!

‍
‍

اسمعي ايش بشرتك تقولك؟

ايش اللي كنتي تسويه كملي عليه.

‍ايش المفروض تسوي؟

لا تسوي شي جديد. لا تتحمسي وتجربي ٥ منتجات جديدة.

طبعا في هذه المرحلة اغلب الناس يخربوها.

‍
‍

اليوم اللي تقلب فيه البشرة دهنية في عز الظهرية

تطلعي من البيت وبشرتك منتعشة لكن وقت الغداء وجهك يصير يلمع لمع .

شي مزعج ومنرفز مره.

‍

اسمعي ايش بشرتك تقولك؟

اعطيني فرصة أوازن نفسي.

طبعا هذا يصير بسبب:

• الحر
• الهرمونات
• التنظيف الزايد (أيوه، هذا شي موجود)

‍
‍

ايش المفروض تسوي؟

وقفي لا تحاولي تجففي بشرتك.

نصيحة جاسمينا: 

استخدمي غسول لطيف مثل: جل منظف منقي 

‍

وإذا احتجتي، سوي إعادة ضبط أسبوعية باستخدام: قناع الوجه بتنقية الطين الأبيض.

‍

اليوم اللي ليش طلعت لي حبة هنا؟؟

حبّة وحدة فجأة.

طبعا ما تطلع الا قبل شيء مهم. 

‍

اسمعي ايش بشرتك تقولك؟

في شي مو تمام.

في الغالب أنه :

• ضغط نفسي (توتر)
• قلة نوم
• تلمسي وجهك

‍

ايش المفروض تسوي؟

لا تتوتري، ولا تجربي كل أفكار تيك توك (صدقيني ما تحتاجي ولا فكرة منهم ).

نصيحة جاسمينا: 

خلّي الموضوع بسيط واستخدمي: كريم لبشرة الوجه المعرضة لحب الشباب عشان تهدي الأمور.

‍

اليوم اللي تكون فيه البشرة باهتة ومتعبة

بشرتك شكلها مو مضبوطة وفيها شي.

مو مشرقة ولاصحية.

‍

اسمعي ايش بشرتك تقولك؟

أحتاج انتعاش.

وهذا في الغالب يصير لأنه :

• الخلايا الميتة تتراكم
• ما تنظفي بشرتك كويس 
• نومك قليل جدا جدا جدا 

‍

ايش المفروض تسوي؟

تقشير لطيف. مو تشيلي وجهك من قوة الفرك.

‍

نصيحة جاسمينا: 

استخدمي: مقشر للوجه مع بودرة الالماس الطبيعية لأنه يساعد يرجع بشرتك طبيعية بدون ما يضرها .

‍

اليوم اللي كل شي يضايق بشرتي

بشرتك تحسيها حساسة، حمراء، وطفشت من كل شيء.

‍

اسمعي ايش بشرتك تقولك؟

أرجوك. وقفي. كل شيء.

‍

وهذا في الغالب يصير لأنه :

• تجربي منتجات كثيرة
• تتابعي ترندات عشوائية
• تستخدمي مواد قوية 

‍

ايش المفروض تسوي؟

ارجعي للأساسيات العناية البسيطة .

غسول. مرطب. بس.

خلي بشرتك تتنفس.

‍

المختصر المفيد مع جاسمينا بالتأكيد

بشرتك مو متقلبة.

حياتك هي اللي متقلبة.

الأمور تتغير، وبشرتك تتفاعل.

هذا ما يعني إنك تحتاجي روتين جديد كل مرة يصير شي.

تذكير أخير
‍

مو كل يوم تكون فيه  البشرة سيئة يحتاج:

• منتج جديد
• روتين جديد
• انهيار كامل
  ‍

أحياناً بشرتك بس تحتاج:

استمرارية، صبروأنك تهدي شوي، يا حبيبتي!!!

‍