‍

تعرفي ذيك اللحظة اللي بشرتك تبدأ تتعدل فيها؟

تصير صافية، ناعمة، وفيها لمعة صحية بدأت تطلع!

وقتها تقولي لنفسك:
‍

لحظة.. معقولة صرت من الناس اللي بشرتهم حلوة؟!
‍

...وفجأة؟

ترجع الحبوب وتتحول البشرة لساحة معركة.

بصراحة لازم نتفاهم في ذا الموضوع.

‍

أولاً: عنايتك مفعولها ما "وقف" 

‍

ببساطة، بشرتك هي اللي تغيرت.

وللأسف مافي احد بيقول لك ذا الكلام، بس بشرتك تتأثر بكل شيء حرفياً:

• الضغط النفسي (السترس)
• النوم
• الهرمونات
• الجو
• الأكلة اللي أكلتيها الساعة 11 ونص بالليل!

‍

عشان كذا المنتج اللي ضبط معاكي الشهر اللي فات، مو شرط يعطيك نفس النتيجة الشهر ذا.

‍

ثانياً: ريحتي وتكاسلتي  بزيادة

‍

خليكي صريحة مع نفسك.

أول ما تحسنت بشرتك، ايش عملتي:

• سحبت على العناية كم ليلة؟
• وقفت مرطب لأن "خلاص بشرتي صارت كويسة"؟
• كسلتي شويتين؟

بالضبط. الاستمرار هو اللي يحافظ على بشرتك حلوة، مو بس هو اللي يوصلك للنتيجة.

‍

ثالثاً: بدأتي تخبصي وتزودي اشياء من راسك 
‍

هنا النكبة الحقيقية.

بشرتك تحسنت ← تحمستي ← قمت أضفتي:

سيروم جديد

مقشر ثاني

منتج عشوائي شفتيه على تيك توك

الان بشرتك مصدومة من اللي تسويه مرة ثانية.

‍

رابعاً: قاعدة تهتمي في بشرة مو موجودة
‍

روتينك لازم يناسب حالتك "الحين"، مو حالتك وقت "مشكلة  الحبوب القديمة".

إذا بشرتك الحين أهدأ، ما يحتاج تستمري تستخدمي منتجات قوية وكأنك لسه في حالة طوارئ.

‍

طيب، ايش المفروض تسوي فعلياً؟
‍

بدل ما ترمي كل منتجاتك وتبدئي من الصفر (ارجوكي لا تسويها)، سوي كذا:

• بسطي الأمور.
• ارجعي للأساسيات.
• خليكي مستمرة.

‍

تبغى تسوي ريسيت (Reset) صح؟

جربي شيء زي:  جل 3 في 1  منظف - مقشر- قناع  للبشرة المختلطة.

لأنه:

• ينظف.
• يقشر بلطف.
• يستخدم كماسك.

‍

كذا ما تضطري تحطي 10 طبقات فوق بعض وتنتظري معجزة.

‍

الحقيقة اللي مافي احد يقولك هيا
‍

البشرة الحلوة مو سرها إنك تلقى "المنتج الاسطوري اللي مافي منه".

الموضوع وما فيه:

• تتأقلمي مع التغيرات.
• تستمري على الروتين.
• ما تنهاري وتخافي كل ما تغيرت بشرتك شوي.

‍

المختصر المفيد مع جاسمينا بالتأكيد: 

بشرتك ما خانتك..

أنتي بس تحتاجي تبسطي الامور (لا تكوني اوڤر).. وتبدئي تفهميها.

‍