تخيلي هذا الموقف..

الساعة 11:47 بالليل.

وأنتِ خلاص في السرير.

والميكب لسه على وجهك.

ولافّة نفسك بالبطانية زي ورق العنب.

وفجأة تذكرتي...

"أوبس!"

روتين العناية بالبشرة.
‍

الحين قدامك خيارين:

1/ تطنشي وتتمني الموضوع يعدي على  خير.

2/ تقومي تسوي روتين مدته 25 دقيقة شفتيه بالتيك توك.

‍

خلينا نعرفك على الخيار الثالث.

‍

روتين "مالي خلق أبدًا"

‍

لأن بعض الأيام تكوني ملكة العناية بالبشرة..

وبعض الأيام يا دوبك تمشي حالك.

‍

الخطوة 1: اسحبي نفسك للمغسلة

‍

عارفين، والله عارفين.. الموضوع صعب.

لكن "أنتِ المستقبلية" بتشكرك بعدين.

الهدف هنا مو المثالية، الهدف ببساطة هو إنك تشيلي تعب اليوم كله عن وجهك.

العرق، الدهون، واقي الشمس.. والخرابيط اللي أكلتيها ولمستي وجهك بعدها بدون ما تحسي.

في ليالي زي هذه، إحنا طايحين في غرام جل 3 في 1 > منظف - مقشر -قناع.

‍

هو أساسًا عبارة عن:

غسول.

مقشر.

ماسك.

‍

كل هذا في منتج واحد!

يعني ما فيه روتين معقد ولا الـ 10 ملايين خطوة اللي تشوفيها في التيك توك.

5 دقايق عند المغسلة وبعدها كملي حياتك.

‍

الخطوة 2: قاومي رغبتك في عمل أفلام أكشن ودراما 

‍

هنا النقطة اللي يغلطو فيها البنات.

تشوفي حبة واحدة صغيرة طلعت لك، وفجأة تلاقي نفسك تحطي:

• ثلاثة سيرومات.
• نوعين علاج موضعي للحبة.
• منتج عشوائي مدحته لك بنت خالتك.

‍

اهدئي، بشرتك ما تمر بأزمة.. هي مجرد فترة وتعدي، وفي فرق بينهم!

‍

الخطوة 3: مرطب.. وبس!

‍

لا تحطي سبع طبقات ولا تسوي تجارب كيميائية في بشرتك. بس مرطب.

إحنا نبغى نطلع بكرة بشكل فريش ومنور، ما نبغى نفتح مختبر كيمياء!

‍

الخطوة 4: وقفي تاخذي نصايح بشرة من ناس تستخدم فلاتر

بكل احترام، بعض الناس اللي يقنعونك إنك تحتاجي 14 منتج، أشكالهم بالواقع مو نفس الفلاتر أبدًا.

بشرتك مو لازم تكون بدون مسام، ومو لازم تكون زي الزجاج.

كل اللي تحتاجه إنها تكون صحية.

‍

الخطوة 5: نامي الحين

مو بعد ساعة.

ولا بعد ما تشوفي ثلاثة مقاطع تيك توك زيادة.

الحين!

بشرتك تحب النوم أكثر مما تحب المنتجات الغالية. وصراحةً، حتى أنتِ تحبي النوم أكثر يا حلوة!

‍

قاعدة جاسمينا لكل البنات اللي مالهم خلق 

روتين بسيط وتستمري عليه دائمًا، يفوز على روتين مثالي ومعقد تسويه مرة وتتركيه

دائمًا وأبدًا.

فـ المرة الجاية لما تكوني تعبانة، لا تسحبي على كل شيء، خلي الموضوع بسيط وبس!

بشرتك تطلب منك شوية جهد قبل ما تختفي داخل بطانيتك الدافية.

خمس دقايق مقدور عليها.. (أو تدري؟ يمكن حتى أقل من خمس دقايق).

‍